Эрхэм хүндэт зочид, нэр хүндтэй илтгэгчид, оролцогчид оо,
Этүгэн их сургуулийн The Journal of Pharmaceutical Policy and Practice (JoPPP)- тай хамтран зохион байгуулж буй "5th JoPPP Conference - Mongolia 2026" хуралд тавтай морил! Эрүүл мэнд, эмзүйн боловсрол олгодог сургуулийн хувьд Этүгэн их сургууль нь эмзүйн бодлого, практик гэсэн сэдвийн хүрээнд үр дүнтэй хэлэлцүүлэг өрнүүлэх зорилгоор дэлхийн өнцөг булан бүрээс мэргэжилтэн, судлаач, эрдэмтдийг урьж оролцуулж байгаа билээ.
Этүгэн их сургууль үүсгэн байгуулагдсан цагаасаа хойш эмзүй, эрүүл мэндийн боловсролын чанарыг дээшлүүлэх, судалгаа хөгжүүлэх, эрүүл мэндийн салбарын хөгжилд хувь нэмрээ оруулахад онцгой анхаарал хандуулсаар ирсэн билээ. Манай эрүүл мэндийн сургуулийн эмзүйн тэнхмийн багш ажилчид чанартай боловсролыг түгээн дэлгэрүүлэх зорилгоор эрүүл мэнд, эмзүйн салбарын тулгамдаж буй асуудлуудад шинэ шинэлэг, технологийн дэвшилтэт болон судалгаанд суурилсан шийдлүүдийг нэвтрүүлэхээр идэвхийлэн ажиллаж байна.
"5th JoPPP Conference - Mongolia 2026" нь эмзүйн бодлого болон практикийн чиглэлээр мэдлэг мэдээлэл солилцох, судалгааны үр дүнг хуваалцах, эмзүйн салбарын цаашдын хөгжлийн стратегиудыг судлах алтан боломжийг олгодог конференц гэдгээрээ давуу талтай. Энэ арга хэмжээ нь салбарын тулгамждаж буй асуудал болон тэдгээрийн дэвшилтэт шийдлүүдийг хэлэлцэхээс гадна, мэргэжилтнүүдийн хооронд харилцаа холбоо, хамтын ажиллагааг өргөжүүлэн бэхжүүлэх, дэлхий нийтийн эрүүл мэндийн салбарын үр нөлөөг сайжруулахад түлхэц өгөх зорилготой.
Энэхүү конференцийг амжилттай зохион байгуулахад гар бие оролцсон зохион байгуулах хорооны гишүүд, илтгэгчид болон бусад бүх оролцогчдодоо чин сэтгэлээсээ талархснаа илэрхийлье. Та бүхний хичээл зүтгэл, тууштай байдлын ачаар энэ конференц амжилттай хэрэгжих боломжтой болсон билээ. Та бүхний нөр их хөдөлмөрийн үр дүнд шинэ шинэлэг, инновацлаг санаа болон хөгжил дэвшил өрнөх боломж нээгдэж байна.
Энэхүү конференц маань бүх оролцогчдод маань үр өгөөжтэй, арвин их туршлага хуримтлуулах боломж болно гэж найдаж байна. Бидний хуваалцсан мэдлэг мэдээлэл, өрнүүлсэн хэлэлцүүлгүүд зөвхөн Монгол улсын эрүүл мэндийн бодлого, практикт ч гэлтгүй, олон улсын хамтын ажиллагаа, цаашдын хөгжилд хувь нэмрээ оруулна гэж итгэж байна.
“5th JoPPP Conference - Mongolia 2026”-д оролцогч та бүхэнд амжилт хүсье. Та бүхнийг бид баяртайгаар угтан авахад ямагт бэлэн байна.
Хүндэтгэсэн,
Б. Батсэрээденэ
Этүгэн их сургуулийн ректор

Эрхэм хүндэт оролцогчид оо,
Та бүхнийг 2026 оны Эм зүйн бодлого, практикийн сэтгүүлийн (JoPPP) 5 дахь удаагийн хурлын (5th JoPPP Conference - Mongolia 2026) арга хэмжээнд оролцож буйд баяртай байна.
Эм зүйн бодлого, практик судалгаа нь эмийн зохицуулалт, хүртээмж, оновчтой хэрэглээ, нийт эмийн хэрэглээтэй холбоотой чухал асуудлуудыг хөнддөг. Мөн хүмүүс ямар учраас, хэрхэн эмийн сангаар үйлчлүүлдэг, эмийн тусламж үйлчилгээний зардал хэр байдаг, энэ үйлчилгээг авсан өвчтөний эдгэрэлт, үр дүн ямар байдаг зэрэг олон чухал асуудлыг судалдаг.
Эм зүйн бодлогын нарийвчилсан судалгаа нь эмийн хэрэглээ, нөөцийн оновчтой хуваарилалтад чухал үр өгөөж авчирдаг. Үүний үр дүнг өндөр нөлөө бүхий сэтгүүлүүдэд хэвлэн нийтлэх нь судалгааг бодлогын хэрэгжилт болгон хөрвүүлэхэд зайлшгүй шаардлагатай.
Journal of Pharmaceutical Policy and Practice (JoPPP) сэтгүүл энэ хэрэгцээг хангах хангах зорилгоор хурлын материалуудыг тус сэтгүүлийн тусгай дугаарт нийтлэх үүрэг хүлээдэг.
Энэхүү хурал нь эм зүйн бодлогын салбарт хамгийн сүүлийн үеийн нотолгоонд суурилсан судалгааг танилцуулах зорилготой. Орон нутгийн болон олон улсын хэмжээнд эмийн хүртээмж, хэрэглээ, оновчлол, эм зүйн бодлогын судалгааны шинэ мэдээллүүдийг хуваалцах болно. Өмнөх хурлуудын амжилтад тулгуурлан энэ удаагийн арга хэмжээг зохион байгуулж байгаа нь эмнэлзүйн эмзүй, мэргэжлийн практик, эм зүйн нийгэм, зан үйл, удирдлагын түвшин дэх бүс нутгийн болон олон улсын хамтын ажиллагааг өргөжүүлэхэд хувь нэмэр оруулна гэж найдаж байна.
Эдгээр чухал хэлэлцүүлэгт оролцохоор та бүхэнтэй Бангкок хотноо уулзахыг тэсэн ядан хүлээж байна.
Хүндэтгэсэн,
Профессор Захир Уд-Дин-Бабар
Зохион байгуулах хорооны дарга Journal of Pharmaceutical Policy and Practice сэтгүүлийн ерөнхий редактор

Эрхэм хүндэт оролцогчид оо,
"5th JoPPP Conference - Mongolia 2026"-д оролцож буй эрхэм хүндэт зочид, судлаачид, эмзүй, эрүүл мэндийн салбарын мэргэжилтнүүд та бүхний амрыг айлтгая.
Этүгэн их сургууль “5th JoPPP Conference - Mongolia 2026” хэмээх энэхүү конференцийг зохион байгуулах эрхийг олж авсандаа маш баяртай байна. Уг конференц нь эмзүйн бодлого, практикийн талбарт тэргүүлж буй мэргэжилтэн, судлаач, эмзүйн салбарын манлайлагчдыг хамтад нь цуглуулж, эмзүйн салбарт гарч буй өөрчлөлт шинэчлэл, ач холбогдол бүхий судалгааны үр дүнг хуваалцах гайхалтай боломж юм.
Энэ жилийн конференц маань "Эмзүйн бодлого ба практик: Инноваци ба Олон Улсын Хамтын Ажиллагаа" хэмээх ерөнхий сэдвийн дор өрнөж байгаа нь манай салбар өргөжин тэлж, өөрчлөгдөн шинэчлэгдэж буйг илтгэж байна. Конференцоор эрүүл мэндийн салбарт эдүгээ тулгамдаж буй асуудлуудыг шийдвэрлэх инновацийн шийдлүүдийн талаар санал бодлоо солилцохоос гадна эмзүйн практик нь зөв шударга, үр ашигтай эрүүл мэндийн тогтолцоог бий болгоход хэрхэн нөлөөлж болохыг хамтдаа хэлэлцэх болно.
Конференцийн үеэр олон сонирхолтой лекц, илтгэл, хэлэлцүүлэг зохион байгуулагдах бөгөөд дараах гол сэдвүүдийг онцлон хэлэлцэх болно. Үүнд:

• Эм зүйн бодлого, эмийн зохицуулалт
• Эм зүйн салбарын практикийн инновац ба хиймэл оюун ухаан
• Эмнэлзүйн салбарын технологийн шинэчлэл
• Эм зүйн боловсролын хөгжлийн чиг хандлага, хамтын ажиллагаа
• Уламжлалт анагаах ухааны эм, эмийн бүтээгдэхүүний инновац
• Эм зүйн салбарын хяналт, зохицуулалт, ил тод байдал

Эдгээр лекцүүдээс гадна оролцогчдод судалгаагаа танилцуулах боломж олгох зорилгоор нэгэн зэрэг өрнөх салбар хуралдаануудыг зохион байгуулах тул оролцохыг урьж байна. Тус салбар хуралдаануудаар дараах чухал сэдвүүдийг хөндөх болно. Үүнд

• Олон улсын хамтын ажиллагаа ба эмийн чанар аюулгүй байдлын хяналт
• Дижитал эрүүл мэндийн стратеги
• Өвчтөн төвтэй халамж үйлчилгээнд суурилсан эмзүйч нарын үүрэг
• Хөгжиж буй орнуудын эмзүйн бодлого, эрх зүйн орчны зохицуулалтын туршлага
• Виртуал клиник туршилтууд: Блокчейн технологийг нийлүүлэлтийн сүлжээнд ашиглах
• Фармоковижиланс: Эмнэлзүйн практикийн эмийн аюулгүй байдал, үр нөлөөг баталгаажуулах нь
• Өндөр хөгжилтэй орнуудын эмзүйн бодлого, эрх зүйн орчны зохицуулалтын туршлага
• Хиймэл оюун ухааны (AI) нэвтрүүлэлт
• Эмзүйчээр удирдуулсан эм, эмчилгээний менежментийн (MTM) өвчтөний эдгэрэлтэд үзүүлэх үр нөлөө
• Эм зүйн боловсролын хөтөлбөрийн шинэчлэл, ажил олгогчдын хэрэгцээ, шаардлага
• Уламжлалт анагаах ухааны эмийн бүтээгдэхүүн ба инновац
• Олон улсын эмийн зах зээлийн үнийн өөрчлөлт ба эм ханган нийлүүлэлт
• Эм зүйн салбарын хүний нөөцийн хөгжлийн чиг хандлага
• Биотехнологийн салбар дахь хөрөнгө оруулалт
• Эмийн ханган нийлүүлэлтийн зах зээлд тулгарах сорилтууд: ба дэлхийн бодлогын тэнцвэр
• Дижитал болон практик сургалтын шинэ аргачлалууд
• Эмийн ургамал ба фармакологийн судалгаа
• Ирээдүйн төлөв ба хөрөнгө оруулалтын боломж

Эдгээр салбар хуралдаанууд нь инновацлаг ололт амжилт, эрдэм шинжилгээний хэлэлцүүлгийг өрнүүлэх хөшүүрэг болж, эмзүйн бодлого, практикийн дэвшилтэт санаа, шийдлүүдийг хуваалцах боломжийг олгоно гэж найдаж байна.
Монгол Улсын өвөрмөц өв соёл болон баялаг түүх нь энэ конференцод оролцогчдод байгалийн сайхныг таашаангаа мэргэжлийн харилцаа холбоогоо өргөжүүлэх, мэдлэгээ солилцох гайхалтай нөхцлийг бүрдүүлж өгнө гэдэгт итгэлтэй байна. Бид оролцогчдод, харилцаа холбоогоой өргөжүүлэх, амарч зугаалах, хүмүүстэй танилцах гэх мэт олон боломжуудыг санал болгох үүднээс нээлтийн хүлээн авалт, үдийн хоол, цайны завсарлага, зууш, нээлттэй ярилцлага зэрэг үйл ажиллагааг санал болгохоор зэхэж байна.
Энэ конференц зөвхөн мэргэжилтнүүдийн цугларалт биш, харин эмзүйн бодлого, практикийн хөгжилд хувь нэмрээ оруулахаар цугларсан хамт олны цугларалт мөн. Эмнэлзүйн салбарт инновацийн шинэлэг стратеги, үр дүнтэй шийдлүүдийг бий болгоход та бүхний оролцоо, хувь нэмэр юу юунаас илүү үнэ цэнтэй.
Та бүхнийг конференцдоо амжилттай оролцож, хамтран суралцаж, хуваалцан, өсөж дэвшихийг урьж байна. Бүгдээрээ хамтдаа эмнэлзүйн бодлого, практикаар дамжуулан эрүүл мэндийн салбарын ирээдүйг тодорхойлоход чиглэсэн алхмуудыг хийцгээе. “5th JoPPP Conference - Mongolia 2026”-д тавтай морилно уу!

Хүндэтгэсэн,

Б. Насанбаяр

Этүгэн их сургуулийн Эрдэм шинжилгээ, Инновац, Гадаад харилцаа хариуцсан дэд захирал, Хөтөлбөрийн ерөнхий хорооны дарга